سابق ٹیسٹ کرکٹر دانش کنیریا نے کہا ہے کہ اگر پی سی بی میری مدد کرتا تو تاحیات مجھ پر پابندی نہیں لگتی۔
تفصیلات کے مطابق سابق ٹیسٹ کرکٹر دانش کنیریا کی درخواست کی سماعت سندھ ہائیکورٹ میں ہوئی جس میں پاکستان کرکٹ بورڈ نے عدالت کے دائرہ سماعت پر سوال اٹھادیا ۔
ایڈووکیٹ تفضل رضوی کا کہنا تھا کہ دانش کنیریا کا جرم انگلینڈ میں ہوا،سزا بھی وہاں کی عدالت نے دی ہے۔
پی سی بی کے وکیل کا کہنا تھا کہ دانش کنیریا کے کیس میں پی سی بی کا کوئی کردار ہی نہیں بنتا، کنیریا کے خلاف الزام کاؤنٹی نے لگایا، وہ پاکستان کی نمائندگی نہیں کررہےتھے۔
وکیل کا کہنا تھا کہ عدالت میں دانش کنیریا کا مؤقف متعدد کرکٹرز کی بحالی کیلیے کرکٹ بورڈ نے کردار ادا کیا۔
دانش کنیریا کہا کہنا تھا کہ پی سی بی کو مدد کی ہدایت کی جائے، مقامی کرکٹ بھی نہیں کھیل سکتا،نہی کوچنگ کرسکتا ہوں، کرکٹ ہی میری آمدنی کا زریعہ ہے، پابندی کی وجہ سے زندگی مشکل ہوگئی ہے۔
ذرائع کا کہنا ہے کہ عدالت نے فریقین کا مؤقف سننے کے بعد سماعت غیر معینہ مدت کیلیے ملتوی کردی۔
