پاکستان شوبز انڈسٹری کی خوبصورت اور مشہور اداکارہ سجل علی نے دوسرے ملک میں گھر بنانے کی خواہش ظاہر کردی ہے۔
حال ہی میں دبئی میں منعقدہ ایوارڈ شو فلم فیئر مڈل ایسٹ اچیورز نائٹ میں مختلف ممالک سے فنکاروں کی بڑی تعداد نے شرکت کی۔
ایوارڈ شو میں سجل علی سے پاکستان کے علاوہ کسی اور ملک میں گھر بنانے کے حوالے سوال کیا گیا تو انہوں نے جواب دیا کہ ہندوستان میں کیوں نہیں ہوسکتا؟ بھارت میں بھی ہوسکتا ہے اور دبئی میں بھی۔
انہوں نے کہا کہ یہ ایک ایسی تقریب ہے جہاں ہمیں موقع ملتا ہے کہ ہم بالی ووڈ فنکاروں سے ملاقات کریں، جیسے جھانوی کپور، گووندا سر اور رنویر سنگھ یہاں موجود ہیں۔
ان کا کہنا تھا کہ ہم ملکی سفارتی تعلقات کے باعث دور ضرور ہیں لیکن ہمارے دل ایک ساتھ ہی دھڑکتے ہیں۔
واضح رہے کہ اداکارہ سجل علی نے 2017 میں بالی ووڈ فلم ’مام‘ میں آنجہانی اداکارہ سری دیوی کے ساتھ اداکاری کے جوہر دکھائے تھے۔
