اداکارہ حریم فاروق سردی میں ٹھٹھرتے ڈلیوری بوائے کی حمایت میں سامنے آگئیں۔
باہمی رابطے کی ویب سائٹ لنکڈ ان پر حریم فاروق نے ڈلیوری بوائے کی کچھ تصاویر شیئر کیں جوکہ بارش میں پریشانی کے عالم میں سڑک کنارے بیگ اُٹھائے سردی میں ٹھٹھرتا ہوا نظر آرہا ہے۔
حریم فاروق نے تصویر کے ساتھ کیپشن میں ڈلیوری بوائے کی پریشان کی وجہ بتاتے ہوئے کہا کہ ایک ریسٹورنٹ کا رائیڈر سڑک کے کونے پر کھڑا رو رہا تھا۔
پوچھنے پر پتا چلا کہ تیز بارش کی وجہ سے کھانا دیر سے پہنچنے پر کسٹمر نے کھانا لینے سے انکار کر دیا۔ اب 3800 روپے کا بل اس کی تنخواہ سے کٹے گا جب کہ اس کی تنخواہ 10 ہزا روپے ہے۔
حریم فاروق نے برہمی کا اظہار کرتے ہوئے کہا کہ یہ بیچارہ لڑکا اتنی سردی میں بارش میں کھانا دینے دینے آیا۔ ذرا سی دیر پر کھانا نہیں لیا۔
کیا انکار کرنے پر کھانا منگوانے والوں کو ذرا بھی شرم نہیں آئی؟ ساتھ ہی انہوں نے یہ بھی لکھا کہ کھانے کے پیسے ڈلیوری بوائے کی تنخواہ سے کٹوتی کرنے پر ہوٹل انتظامیہ کو شرم نہیں آئی؟
واضح رہے کہ حال ہی میں سوشل میڈیا پر وائرل ہونے والی ایک ڈلیوری بوائے کی تصویر کی وجہ سے صارفین میں غم و غصہ پایا جا رہا ہے۔
یہ تصویر فیس بک صارف وسیم الطاف نے شیئر کی تھی اور ساتھ لکھا تھا کہ یہ ڈلیوری بوائے سڑک کنارے کھڑا رو رہا تھا کیونکہ تیز بارش کے باعث وہ کھانے کا آرڈر وقت پر لے کر نہیں پہنچ سکا جس کی وجہ سے کسٹمر نے کھانا لینے سے انکار کر دیا۔
انہوں نے مزید لکھا کہ ’کھانے کے آرڈر کے پیسے، جو کہ 38 سو روپے تھے، اس لڑکے کی تنخواہ میں سے کاٹے جائیں گے جو صرف 10 ہزار روپے ماہانہ ہے۔
