پاکستان کرکٹ ٹیم کے سابق کپتان بابر اعظم آج پرتھ میں آسٹریلیا کے خلاف اپنے 50واں ٹیسٹ کھیل رہے ہیں۔
بابراعظم کو 50 واں ٹیسٹ میچ کھیلنے پر کپتان شان مسعود کی جانب سے سوینیئر اور کیپ دی گئی۔
اس موقع پر شان مسعود نے سابق کپتان سے گفتگو کرتے ہوئے کہا کہ آپ نے ابھی بہت کچھ حاصل کرنا ہے ، آپ نے پاکستان کی بیٹنگ کو تبدیل کیا ہے۔
کپتان نے بابر سے کہا کہ آپ نے ثابت کیا ہے ہمارا بیٹر ورلڈ کلاس میں آ سکتا ہے، آپ نے پاکستان کی کپتانی کی ہے ، ہم سب کی کرکٹ آپ کے ساتھ چلی ہے۔
شان نے مزید کہا کہ ابھی یہ شروعات ہیں ، ہم آپ کو 100 ٹیسٹ میچ کھیلتا ہوا دیکھنا چاہیں گے ۔
